Abdel Fattah El-Sisi yatsinze amatora y’Umukuru w’Igihugu mu Misiri ku majwi 89.6%, bimuhesha amahirwe yo kongera kuyobora iki gihugu muri manda ya gatatu.
Ku wa Mbere tariki 19 Ukuboza nibwo Komisiyo y’Amatora mu Misiri yatangaje ibyavuye mu matora y’Umukuru w’Igihugu.
Abdel Fattah El-Sisi wahoze ari umusirikare mukuru yagiye ku butegetsi bwa mbere mu 2014, mu 2018 yaje kongera gutorwa ku majwi 97%.
Mu 2019 habaye amavugurura mu Itegeko Nshinga ry’iki gihugu, manda uyu mugabo yemererwa ziva ku myaka ine zigera kuri itandatu, ndetse bimuhesha kwiyamamaza muri manda ya gatatu.
