Perezida wa Leta Zunze Ubumwe za Amerika, Joe Biden yatangaje ko yongereye amezi 18 yo kuguma muri iki gihugu ku bimukira ibihumbi 800.
Ikinyamakuru Euronews kivuga aba bimukira barimo ibihumbi 600 baturutse muri Venezuela, abaturutse muri El Salvador basaga ibihumbi 230,000, Abanya-Ukraine basaga ibihumbi 103.000 n’Abanya-Sudan 1900.
Mu 2021, Perezida Biden nabwo yongereye abimukira igihe cyo kuguma muri Amerika, ubwo yatangiraga kuyobora iki gihugu.
Muri rusange, abakomerewe by’agateganyo ku butegetsi bwe bamaze kurenga miliyoni imwe, bose baturutse mu bihugu 17.
Uyu mukuru w’Igihugu yafashe iki cyemezo mu gihe Donald Trump wateguje ko azirukana abimukira benshi badafite ibyangombwa, yitegura kongera kuyobora Amerika guhera tariki ya 20 Mutarama 2025.
Trump ubwo yari ku butegetsi kuva mu 2017 kugeza mu 2021, yagerageje kuvuguruza icyemezo cy’ubutegetsi bwamubanjirije cyo gukomorera by’agateganyo abimukira badafite ibyangombwa, ashaka kubirukana ariko Inkiko zirabyanga.
Ntabwo Trump azaba afite ububasha bwo kwirukana abimukira Perezida Biden yakomoreye mu gihe cy’amezi 18, kuko na bwo Inkiko zamwitambika nk’uko byagenze mu gihe cyashize.
