Byiringiro Lague ukubutse mu ikipe yo muri Suéde yasinye amasezerano y’umwaka n’igice mw’ikipe ya Police FC, nyuma yo kudahuza ibiganiro na Rayon Sports.
Aya makuru yamenyekanye kuri uyu wa mbere, tariki ya 6 Mutarama 2025.
Byiringiro yageze mu Rwanda kuri uyu wa mbere, yakirwa n’ubuyobozi bwa Rayon Sports byavugwaga ko bari mu biganiro, nyuma yuko atandukanye n’ikipe ya Sandviken IF yo mu cyiciro cya kabiri muri Suéde.
Ibi biganiro ntibyaje gutanga umusaruro kuko Byiringiro kuri ubu yamaze gusinya amasezerano n’ikipe ya Police FC, kuko ariyo yujuje ibyo yasabaga.
Ku wa gatandatu, nibwo Police FC yatsinzwe ibitego 2-0 n’ikipe ya Rayon Sports mu mukino w’umunsi wa 14 wa Rwanda Premier League, ibi biri gutuma abafana b’umupira w’Amaguru bagaragaza ko Byiringiro Lague afite akazi gakomeye ko kuzahura iyi kipe yinjiyemo.
Byiringiro yaramaze igihe cy’umwaka n’igice mu ikipe ya Sandviken IF yo mu cyiciro cya kabiri muri Suéde, yinjiyemo avuye muri APR FC yabayemo guhera muri 2018.
