Perezida w’u Bushinwa, Xi Jinping, yageneye Donald Trump, ubutumwa buherekeza intsinze ye mu matora, avuga ko yizeye umubano n’ubufanye ku nyungu z’ibihugu byombi.
Aya ni amwe mu magambo yamubwiriye kuri telefone kuri uyu wa Kane, tariki ya 7 Ugushyingo 2024, ashimangira umubano uhamye, mwiza, kandi urambye hagati y’ibihugu byombi mu rwego rwo kubaka umuryango mpuzamahanga.
Aya magambo yayavuze nyuma y’uko Trump yavuze ko azongera imisoro ku bicuruzwa biva mu Bushinwa, ubwo yiyamamarizaga iyi manda.
Ibi byatumye ibitangazamakuru byinshi bitangaza ko bihangayikishijwe n’intambara y’ubucuruzi hagati ya Amerika n’u Bushinwa, isa nk’iyabaye kuri manda ya mbere ya Trump.
Perezida Xi Jinping yagaragaje ko yizeye ko Amerika n’u Bushinwa bizagirana ubufatanye mu gushaka kubana mu mahoro no gashimangira ibiganiro ku byo batandukaniyeho.
