Perezida wa Ukraine, Volodymyr Zelensky, yashinje Kiliziya Gatolika kudashyigikira abaturage b’iki gihugu ahubwo igashyira imbaraga “mu kugerageza guhuza uruhande rumwe rushaka kubaho n’urundi rushaka gusenya”.
Ni ubutumwa yatangaje mu ijoro ryo kuri iki Cyumweru, nyuma y’uko ku munsi wari wabanje Papa Francis, yari yatangaje ko hakwiye kubaho imbaraga n’ubushake bwo kumanika amaboko muri iyi ntambara.
Umuvugizi wa Vatican, Matteo Bruni, yatangaje ko Papa Francis yari agambiriye kuvuga ko hakwiye imbaraga zo kwinjira mu biganiro hagakoreshwa inzira za dipolomasi, hagashakishwa igisubizo kiganisha ku mahoro.