Mu rwego rwo gusoza umwaka w’imikino, B&B FM-Umwezi nk’uko isanzwe ibikora yerekana imikino mu rugo rw’imikino i Gikondo muri Expo Ground, izerekana umukino wa nyuma wa UEFA Champions League
Kuri uyu wa Gatandatu tariki ya 10 Kamena 2023, Abazabasha kugera i Gikondo ntibazicwa n’irungu kuko hazaba hari ibirori bitandukanye kuko umuraperi Gatsinzi Emery uzwi nka Riderman na Christian Rukundo Nsengimana uzwi nka Chris Eazy bazasusurutsa abazitabira ibi birori
Si abahanzi gusa bazasusurutsa abazitabira ibi birori kuko hazaba hari aba Djs nka Dj Sonia umukobwa umaze kubaka izina mu myidagaduro y’u Rwanda na Dj Fabulous usanzwe umenyerewe cyane mu bitaramo bitandukanye na Shema Natete Brian uzwi nka MC Brian umaze kumenyerwa mu kuyobora ibirori bikomeye
Uretse ibi birori by’imyidagaduro hazanahembwa akandi abakinnyi ba Rayon Sports bitwaye neza muri Gicurasi 2023
Mu bagabo, abahataniye igihembo ni Hategekimana Bonheur, Ishimwe Elie Ganijuru na Léandre Essomba Willy Onana mu gihe Mukeshimana Dorothée, Mukeshimana Jeannette na Kalimba Alice aribo bahanganiye iki gihembo mu bagore.
Abazitabira ibi birori ntibazicwa n’inzara cyangwa Inyota kuko uretse ba mucoma b’abahanga hazaba hari n’ibinyobwa bitandukanye by’uruganda rwa Skol bizahabwa uzaba waguze itike yo kwinjira
Kugura itike ni ugukanda *939*3*1#, itike ya make ni ibihumbi bibiri (2000frw) n’ibihumbi 10 Frw ugahabwa ibyo kunywa!
Ku bufatanye kandi n’ikigo cy’igihugu gishinzwe kwita ku buzima (RBC),abifuza gutanga amaraso ku bushake bazafashwa kuyatanga, igikorwa kizatangira saa cyenda z’amanywa, abazaza mbere ya saa kumi n’imwe (17h:00’)bazabona ibinyobwa kuri make cyane
Umukino wa nyuma wa UEFA Champions League uzahuza Manchester City na Inter de Milan saa tatu z’ijoro.
