Ku mugoroba wo ku itariki 14 Mata 2024 nibwo ibi bihembo byatanzwe bihira ibyamamare byo mu Rwanda nka Marchal Ujeku ,The Ben ,Manager Muyoboke Alexis ,Alliah Coool,Producer Kozze na bandi benshi .
Alliah Cool yatwaye igihembo mu cyiciro cyitwa East Africa Film Star, aho yari ahatanye na Kate Actress wo muri Kenya, Jacobo Stephen wo muri Tanzania na Nabwiso Mathew wo muri Uganda.
Ni mu gihe Muyoboke Alex yatwaye igihembo mu cyiciro cy’ureberera inyungu z’abahanzi [Best Artist Manager East Africa]. Yari ahatanye na Chiki Kuruka wo muri Kenya, Babu Tale wo muri Tanzania na Nzeyimana Ismael wo mu Burundi.
Muyoboke Alex witabiriye itangwa ry’ibi bihembo, yatangarije itangazamakuru ati “Imana ni yo yabikoze kandi n’Abanyarwanda bantoye ndabashimira. Twatangiriye hasi, imyaka 18 nafashije abahanzi benshi kandi umuziki wacu uri gutera imbere, iri ni itangiriro twese dufatanyije twageza kure umuziki nyarwanda, ndasaba ubufatanye”
Muyoboke Alex yarebereye inyungu abahanzi barimo Tom Close, The Ben, Dream Boyz, Urban Boyz, Social Mula, Davis D, Charly & Nina n’abandi.
Producer Kozze wo muri Country Records wakoze “Ni Forever” ya The Ben mu buryo bw’amajwi, yatwaye igihembo mu cyiciro cya Producer mwiza utunganya amajwi [ Audio Producer of Excellence].
Mu gihe Marchal Ujeku uririmba mu rurimi rukoreshwa ku Nkombo, we yatwaye igihembo mu cyiciro cy’umuhanzi uririmba indirimbo zimakaza umuco [Best Culture Music] akigera I Kigali mu kiganiro yagiranye n’itangazamakuru yashimiye buri wese wagize uruhare kugira abashe kwegukana ibyo bihembo kandi yishimiye kuba umuziki we umaze kugera kure kugeza ubwo atangiye kwegukana ibihembo mpuzamahanga byamwongereye ingufu zo kugaruka mu muziki nubwo akazi aba afite kenshi .
Country Records yatwaye igihembo mu cyiciro cya Studio nziza muri afurka y’Iburasirazuba
The Ben ubwo yabazwaga uko yakiriye iki gihembo yabwiye yadutangarije ati“Bazacyohereza mu Rwanda vuba. Nabyakiriye neza cyane”.
East Africa Arts Entertainment Awards (EAEA), ni ibihembo bihabwa abanyamuziki mu Karere ka Afurika y’Iburasirazuba, mu gushyigikira iterambere ryabo ku mugabane wa Afurika no ku Isi muri rusange.
Rayvanny yatwaye ibihembo bitanu birimo Icy’umuhanzi mwiza muri Afurika y’Iburasirazuba, album nziza, umwanditsi mwiza w’indirimbo, uwakunzwe n’abandi [Best lovers’ choice], n’uwakoze indirimbo irimo ubutumwa bufasha abantu [Best Inspirational Single]
Ibi bihembo bitangwa binyuze mu itora, aho amajwi yo kuri murandasi ahabwa 50% mu gihe Akanama nkemurampaka nako kaba gafite 50%
