Federasiyo y’amagare y’u Bubiligi yemeje ko ikipe y’igihugu izitabira iyi mikino, nyuma yo gusaba Guverinoma uburenganzira bwo kujya mu Rwanda.
Umuyobozi wa federasiyo, Nathalie Clauwaert yavuze ko ibiteganywa byose birimo gutegurwa birimo amatike y’indege, hoteli n’ibikoresho by’abakinnyi.
Iki cyemezo kije nyuma y’amezi atatu Ububiligi buhagaritse umubano w’ibihugu byombi, buvuga ko u Rwanda rushyigikiye umutwe wa M23 urwanya ubutegetsi bwa RDC. U Bubiligi bwanabaye imbere mu gusaba ibihano byafashwe na EU kuri Kigali.
Shampiyona y’Isi y’amagare iteganyijwe kuva tariki 20 kugeza 29 Nzeri 2025. Abakinnyi b’ibikomerezwa barimo Victor Loulergue na Hugo Boucher bazaba bahagarariye u Bubiligi.
