Ku mugoroba wo kuri uyu wa Kane, tariki ya 28 Ugushyingo 2024, umuhanzikazi Bwiza yatangaje ko indirimbo ‘Best Friend’ yakoranye na The Ben yakuwe kuri YouTube.
Mu Itangazo Bwiza yageneye abanyamakuru yavuze ko indirimbo ‘Best Friend’, yari imaze icyumweru igiye hanze, yakuwe kuri YouTube n’abatifuza iterambere ry’umuziki we imaze kurebwa nabarenga Miliyoni kuri urwo rubuga
Yaguze ati “Nifuzaga kubamenyesha ko indirimbo yanjye (Best Friend) nakoranye na The Ben, yakuwe kuri YouTube by’agateganyo, n’umuntu utishimiye iterambere ry’umuziki.”
Uyu muhanzikazi yakomeje avuga ko ari gukorana n’abareberera inyungu ze mu muziki, kugirango iyi ndirimbo igarurwe kuri YouTube bidatinze.
Indirimbo ‘Best Friend’ yahuriyemo umuhanzikazi Bwiza na The Ben, yagiye hanze tariki ya 19 Ugushyingo 2024, yakozwe mu buryo bw’amajwi na Loader, naho amashusho yayo atunganywa na John Elarts ukomoka mu Burundi.
