Ibirori bya Kigali Boss Babes byitabiriwe n’ibyamamare bikomeye mu Rwanda (Amafoto)

Igitaramo cya Kigali Boss Babes cyabaye ku wa 29 Ukuboza 2023, cyitabiriwe n’ibyamamare mu ngeri zitandukanye birimo The Ben na Pamella baherutse gukora ubukwe.

Kuva saa Moya z’umugoroba, aba mbere bari batangiye gufata ibyicaro mu busitani bwa Chillax, abandi bari gufata amafoto ku itapi itukura.

Saa Mbili n’Igice ni bwo ibyamamare bya mbere byatangiye gusesekara ahabereye iki gitaramo, bamwe babanza kunyura ku itapi itukura bagafata amafoto.

Nyuma y’amasaha abiri, abahanzi ba mbere barimo Afrique, Dany Nanone, Okkama na DJ Phil Peter batambutse ku itapi y’umutuku bafata amafoto ya mbere.

Mbere y’uko twinjira ku wundi munsi, abahanzi barimo Bwiza, Ruti Joèl, Juno Kizigenza n’abandi bari bamaze kwicara ku meza y’amatike ahagaze miliyoni 5 Frw.

Saa Sita n’iminota 29, ni bwo abagize itsinda rya Kigali Boss Babes bateguye iki gitaramo “Black Elegance Party” bari bahageze.

Sylvie, ni bo bagize iri tsinda bahageze.

Nyuma y’iminota mike ni bwo The Ben afatanye akaboko n’umugore we Uwicyeza Pamella bari kumwe n’umuhanzi Ommy Dimpoz wo muri Tanzania na Muyoboke Alex wabaye umujyanama wa The Ben mu 2008, binjiye ahari hari igitaramo cya Kigali Boss Babes.

Ubwo batambukaga ku itapi itukura, MC Phil Peter yabajije The Ben ibyo abona bikomeje kumutungura mu rushako, undi amusubiza ko ari byinshi ariko ko ari ibanga rikomeye

Abagize Kigali Boss Babes bahawe umwanya bashimira abitabiriye iki gitaramo, babamurikira agace gato k’ikiganiro mbarankuru kigaruka ku buzima banyuramo umunsi ku wundi.

Amashusho y’iki kiganiro yafatiwe mu bihugu bitandukanye birimo u Rwanda, Nigeria, u Bushinwa n’ibindi.