Ibirori bya abambaye umweru bya Zari byitabiriwe n’abanyamujyi benshi (Amafoto)

Ibi birori bya Zari byabereye mu kabyiniro gakunzwe muri kigali kitwa  The Wave Lounge, byitabirwa n’abanyamugi  wabonaga ko bari bafitiye amatsiko kubona uyu mutegarugori wigwijeho ibigwi mu myidagaduro mpuzamahanga.

Mu mpera z’Ugushyingo n’intangiriro z’Ukuboza 2023 ni bwo muri Kigali hatangiye gucicikana ko Zari, umwe mu bari n’abategarugori bahiriwe n’uruganda rw’imyidagaduro bakanabasha ku rubyaza agatubutse, azataramira mu Rwanda.

Nyuma byaje gutangazwa neza ko azataramira muri The Wave Lounge i Kigali kuwa 29 Ukuboza 2023, ibintu na we ubwe yaje kwemeza asaba abantu kuzitabira ku bwinshi.

Kuwa 28 Ukuboza 2023 mu masaha ya saa cyenda z’amanywa ni bwo Zari yageze i Kanombe mu ndege yari ivuye Entebbe muri Uganda aho yari aherutse gutaramira kuwa 16 Ukuboza 2023 mu birori byitabiriwe na mukeba we Tanasha Donna.

Ubwo yageraga i Kigali yakiriwe n’Umujyanama we, Galston Antony wari umaze iminsi akurikirana ibikorwa by’ahazabera ibi birori n’ibindi bijyanye n’imyiteguro yabyo.

Muri ibyo birori byari bibereye ijisho nuri meza yari iriho inzoga z’ubwoko butandukanye nka Martel na Skol bari mu bateye inkunga iki gikorwa, kimwe naza Hennesy n’izindi.

Uko amasaha yakuraga niko abantu bagiye biyongera. Buri umwe wabonaga ko afitiye amatsiko kubona imbonankubone Zari Hassan.

Mbere gato yuko Zari ahagera, habanje kuza Miss Uwase Muyango  uri mu basanzwe bategura ibirori bitandukanye muri Kigali ari nawe wagombaga gufatanya na zari kwakira no gususurutsa abari bitabiriye ibyo birori

Hashize akanya mu masaha ashyira saa munani z’ijoro, nibwo Umujyanama wa Zari, Galstony yinjiye muri The Wave Lounge, abanza kureba uko imyiteguro imeze mbere y’uko Zari asohoka mu modoka.

Uyu muherwekazi ubwo yinjiraga wabonaga abantu bose bifuza kuza kwihera ijisho ari na ko buri umwe yafataga amashusho y’urwibutso.

Zari yafashe umwanya abanza kwifotoranya n’abari aho by’umwihariko nyiri The Wave Lounge, Pio n’umugore we.

Nyuma yakomeje yinjira mu kabyiniro aho mu byicaro yarimo yifata amashusho ashagawe n’abantu benshi bisimbukuruza ngo babashe kumureba neza, umuziki uvagwa abantu bakaraga umubyimba hamwe n’umushyushyarugamba MC Nario.

Ibi birori byasojwe ahagana  mu rukerera ubona abantu batifuza gutaha ngo bajye kuruhuka.

Ni ubwa mbere uyu muherwelazi yari ateguye ibirori by’abambaye umweru mu Rwanda ariko yari aherutse gutangazz ko ubu buri mwaka azajya abihakorera.