Umutetsi w’uwahoze ari Perezida wa Amerika, Barack Obama yapfiriye mu mpanuka ya siporo yo guserebeka ku mazi izwi nka ’paddle boarding’ hafi y’urugo rwa Obama i Massachussets.
Tafari Campbell, w’imyaka 45, yakoraga mu biro bya Perezida wa Amerika nyuma ajyana n’umuryango wa Obama ubwo yari amaze gusimburwa ku mwanya w’Umukuru w’Igihugu.
Inkuru ya BBC ivuga ko ku Cyumweru yaburiwe irengero mu mazi y’ikiyaga gito kiri hafi y’urugo rwa Obama.
Polisi ivuga ko umuryango wa Obama utari mu rugo ubwo Tafari yapfaga.
Kumushakisha mu mazi yarohamyemo byatangiye ku Cyumweru nijoro maze umubiri we ku wa Mbere mu gitondo muri metero 30 uvuye ku mwaro no mu bujyakuzima bwa metero 2,5.
Tafari Campbell yakoreye Obama imyaka umunani muri White House aho yaranzwe n’udushya mu gutegura amafunguro.
