Nyuma yo kunyagira Tottenham Hospur ibitego 5-1, Liverpool yegukanye igikombe cya 20 cya shampiyona y’u Bwongereza (English Premier League).
Ku Cyumweru tariki ya 27 Mata 2025, ni bwo muri shampiyona y’u Bwongereza, habaye imikino isoza iy’umunsi wa 34 wa shampiyona.
Uwahuje Liverpool na Tottenham Hospur, wari uhanzwe amaso bitewe n’uko ari na wo wagombaga gutangirwaho igikombe mu gihe abasore ba Arne Slot babashije kuwutsinda.
Ibitego 5-1 bya Liverpool, ni byo byatumye iyi kipe yegukana igikombe cya shampiyona y’u Bwongereza ku nshuro ya 20. Diaz, Mac Allister, Gapko, Salah ndetse n’igitego Udogie yitsinze, ni byo byatanze iki Gikombe. Spur yo yatsindiwe na Solanke.
Iyi kipe itozwa na Arne Slot, yegukanye igikombe cya shampiyona ya “Premier League” mu gihe habura imikino ine ngo shampiyona irangire.
Umutoza, Arne Slot, yavuze ko ashimira cyane Jurgen Klopp wasize umwubakiye ikipe kandi akamuha icyizere cyo gutoza iyi kipe y’ubukombe mu Bwongereza.
Liverpool yahise igira amanota 82 mu gihe Arsenal ya Kabiri ifite amanota 67. Ikipe eshatu zamaze kumanuka, ni Southampton, Leicester City na Ipswich.
