Nyuma yo guhagarikwa mu nshingano yari ashinzwe zo gushingwa Ubuzima bwa buri munsi bwa AS Kigali (Team management), Bayingana Innocent yasubijwe muri izo nshingano.
Mu minsi ishize, ni bwo hatangajwe amakuru y’uko Bayingana yahagaritswe mu kazi nyuma y’uko atongerewe amasezerano kuko andi yari ararangiye.
Nyuma y’iminsi mike gusa, uyu mugabo yagaruwe mu nshingano kuri uyu wa Kane. Ibi byatangarijwe abakinnyi nyuma y’imyitozo itegura umukino iyi kipe ifitanye na Gasogi United.
Shema Ngoga Fabrice uyobora AS Kigali, ni we waje kubimenyesha abakinnyi n’abatoza aherekejwe n’Umunyamabanga Mukuru wa yo, Nshimiye Joseph.
Bayingana Innocent amaze imyaka myinshi muri iyi kipe iterwa inkunga n’Umujyi wa Kigali, cyane ko yanigeze kubaho Umunyamabanga Mukuru wa AS Kigali WFC.
