Ku gicamunsi cyo kuri uyu wa gatanu tariki ya 29 Werurwe muri Four Point Hotel nibwo Nemeye Platini uzwi nka Platini P n’abahanzi bazamufasha mu giteramo cye cya mbere akora umuziki wenyise yise Baba Experience aho bamaze abakunzi ba muziki nyarwanda impungenge kuri icyo gitaramo gitegerejwe uyu Munsi .
Icyo kiganiro cyari kiyobowe n’umunyamakuru Nzeyimana Luckman wa RBA cyari kitabiriwe n’abanyamakuru benshi cyane bari bafite amatsiko yo kumenya byisnhi kuri iki gitaramo cya Platini .
Nubwo ku rutonde rw’abahanzi bazafasha Platini muri iki gitaramo ari benshi siko bose baje mu kiganiro n’itangazamakuru ariko itsinda rya Urban Boys ,Eddy Kenzo.Knowless ,Zeo Trap ndetse na Muyoboke Alexis ukunze kuba hafi cyane abahanzi nyarwanda mu gihe kirenga imyaka 16 bari biteguye gusubiza ibibazo bari bubazwe .
Byinshi mu bibazo byabajijwe Platini byibanze ku mubano we ndetse n’itsinda bahoze bahanganye rya Urban Boys mu myaka yashize mbere y’uko ayo matsinda yose atandukana bamwe bakaya gukomereza ubuzima hanzu y’u Rwanda .
Platini mu ijambo rye yashimiye abahanzi bose muri rusange yegereye akabasaba ko bazamufasha mu gitaramo cye bakamwemerera kandi bose bazabonea ariko none yakomeje agaruka ku itsinda rya Uraban Boys bakomeje kujya bamera nk’abahanganye mu myaka yashize .
Yagize ati ‘ Burya basaza abenshi muraha harimo bake cyane bazi urugendo rwacu mu muziki wo mu myaka yashize ntago kiriya gihe twanganaga ahubwo byabaga ari akazi naho ubundi turi abavandimwe akaba ariyo mpamvu nabatumiye mu gitaramo cyanjye kandi murabibona ko na Humble yafashe urugendo akava aho aba muri Kenya akitabira ubutumire bwanjye
Abajijwe ku bandi bahanzi benshi bagiye bakorana Platini yasubije ko Atari kubirengagiza rwose kuko nkuko benshi babizi ibitaramo mu Rwanda bigira igihe biba bigomba gusorezwa bityo atumiye abo baziranye bose igitaramo cyamara icyumweru .
Ku bijyanye n’imyiteguro Platini yavuze ko ariwe n’itsinda rye ndetse n’abahanzi bose bazafatanya bamaze kwitegura ibintu byose babishyize ku murongo ahubwo asaba abanyarwanda kuzahagerera igihe kuko umushanzi wa mbere azaba ageze ku rubyiniro I saa kumi n’ebyiri n’igice zuzuye .
Ku ruhande rw’umuhanzi Eddy Kenzo waturutse muri Uganda nawe yavuze ko yishimiye kwongera gutaramira abanyarwanda kandi yihsimiye ko umuvandimwe Platini yamutumiye kugira amufasha muri iki gitaramo cy’urugendo rwe mu gihe cyose amaze mu muziki.
Urban Boys nabo bashimangiye ko ari ibya agaciro cyane kuba Platini yarabatumiye kandi ko nta kindi kibazo bigeze bagirana mu myaka yashize ahubwo byabaga ari akazi ariko kubera abafana babo bamwe bari Indatwa abanda ari Super Swagger bakundaga guhangana cyane nta rundi rwango rwigeze ruba hagati yabo mu myaka bamaze baba I Butare kugeza baje gukorera I Kigali.
Knowles sari nawe w’igitsina Gore wenyine uzagaragara muri Iki gitaramo yavuze ko afata Platini na Musaza we kuko bamaze imyaka myinshi babana muri uyu muziki wa hano mu Rwanda , nawe yashimangiye ko yamaze kwitegura kandi yizeye kuba byinshi cyane .
Abajijwe impamvu muri iyi minsi ari gukora umuziki atuje cyane yabasubije ko nta kintu yahinduye ku muziki we uretse ko burya mu buzima hari byinshi bihinduka ati nk’ubu ndi Umubyeyi ibyo nakoraga nkiri umukobwa sinabikora ndi umubyeyi bivua ko uko imyaka ishira umuntu agenda akura .
Bitaganyijwe ko igitaramo cya Baba Experience kiba kuri uyu wa Gatandatu tariki ya 30 Werurwe 2024, muri KCEV ahazwi nka Camp Kigali aho kwinjira ari 5000 Frw mu myanya isanzwe, ibihumbi 10 Frw mu myanya y’icyubahiro n’ibihumbi 200 Frw ku bantu umunani bashaka kwicarana mu myanya y’icyubahiro.
AMAFOTO :INYARWANDA
