Rayon Sports yanyagiriye Mukura VS 4-1 i Kigali mu mukino w’umunsi wa 10 wa shampiyona, mu gihe APR FC yakuye amanota 3 kuri Muhazi United i Ngoma.
Ni umukino w’umunsi wa 10 wa Shampoina y’icyiciro cyambere mu bagabo aho Ikipe ya Rayon Sports yatangiye ishaka igitego hakiri kare yaje kukibona ku munota wa 8 gitsinzwe na Muhire Kevin ku mupira w’umuterekano wari utewe na Luvumbu ubwugarizi bwa Mukura VS bunanirwa kuwukuraho.
Rayon Sports yakomeje gusatira ndetse ibona andi mahirwe ku munota wa 30 ku mupira Serumogo yahinduye imbere y’izamu ariko habura ushyira mu rushundura.
Mukura nayo yari yatinyutse ikina, yaje kwishyura iki gitego ku munota wa 34 ku ishoti rikomeye Elie Tatou yatereye inyuma y’urubuga rw’amahina. Amakipe yagiye kuruhuka ari 1-1.
Ikipe ya Rayon Sports mu gice cya kabiri yaje gukora impinduka, Kalisa Rashid asimbura Muhire Kevin.
Izi mpinduka yayifashije ndetse biyiha igitego ku munota wa 64 cyatsinzwe na Aruna Moussa Madjaliwa.
Luvumbu yaje gutsinda igitego cya gatatu kuri penaliti ku munota wa wa 87, hari nyuma y’ikosa Muvandimwe JMV yakoreye Ojera mu rubuga rw’amahina.
Luvumbu yishimira igitego yatsinze kuri Penaliti
Mvuyekure Emmanuel winjiye mu kibuga asimbura Iraguha Hadji yaje gutsinda igitego cya 3, mu minota y’inyongera y’umukino. Umukino warangiye ari 4-1.
Ikipe ya Rayon Sports ikaba izakurikizaho
MD 11 Etincelles v Rayon Sports
MD 12 Rayon Sports v Bugesera
MD 13 Rayon Sports v Muhazi United
MD 14 AS Kigali v Rayon Sports
MD 15 Rayon Sports v Kiyovu Sports
Muhire Kevin agerageza gucika abakinnyi ba Mukura
Naho ikipe ya APR FC nayo yikuye i Ngoma aho yatsindiye Muhazi United 2-1. Ibitego bya APR FC byatsinzwe na Victor Mbaoma na Kwitonda Alain Bacca
Gahunda y’umunsi wa 10
Ku wa Gatanu tariki ya 3 Ugushyingo 2023
Police FC 1-0 Gorilla FC
Ku wa Gatandatu tariki ya 4 Ugushyingo 2023
Marines FC 1-0 Amagaju FC
Rayon Sports 4-1 Mukura VS
Muhazi United 1-2 APR FC
Musanze FC 1-0 Kiyovu Sports
Ku Cyumweru tariki ya 5 Ugushyingo 2023
Etoile del’Est vs Gasogi United
AS Kigali vs Sunrise FC
Etincelles vs Bugesera FC