Munezero Aline uzwi nka Bijoux muri filime ya ‘Bamenya’, yishongoye kuri Lionel baherutse gutandakana baranashakanye, aca amarenga yo kwinjira mu Rukundo rushya.
Umuntu wizewe ariko udafite aho ahuriye n’itangazamakuru aherutse kuduha amakuru y’urukundo rushya rwa Bijoux, yadutangarije ko Aline uzwi nka Bijou muri Bamenya ari mu rukundo.
Ni amakuru twamenye tugerageza guhamagara no kuvugisha nyir’ubwite Aline, ariko ntibyakunda ko adusubiza byinshi kuri ayo makuru kuko terefone ye itari iri ku murongo.
Gusa nyuma yo gukomeza gushaka no kumenya neza aya makuru yahujwe n’uko Aline uzwi nka Bijoux yabyihishuriye, yerekana ko yinjiye mu Rukundo rushya.
Abinyujije kuri konti ye ya Instagram, Munezero Aline yanyujijeho ubutumwa buherekejwe n’ifoto y’umusore bari bicaranye mu modoka ubona ko ihenze, bitewe n’uburyo bari bicayemo.
Iyi foto Bijoux yari afatanye mu kiganza n’umusore atifuje kugaragaza, maze yandika amagambo agira ati “Burya uzashake umugabo nya mugabo ntuzashake umugabo wifuza kukugira umugore.’’
Ni amagambo yavuze nyuma y’uko inkuru ibaye ikimenyabose y’uko Bijoux yatandukanye na Lionel bari baherutse gushyingiranwa, ndetse ubwo yari i Burayi aho atuye akaba yarakiranywe inkuru y’uko atwite.
Kuwa 19 Mutarama 2023, nibwo hamenyekanye amakuru y’uko Munezero Aline amaze iminsi yibarutse umuhungu. icyakora ibyo kumenya se w’umwana bikomeza kugorana kuko amakuruahamya ko yabyaye amaze igihe atandukanyena Lionel Sentore, bari baherutse gukora ubukwe.
Ugutandukana kwabo kwakurikiwe n’inkuru z’uko uyu mugore acuditse na Lionel Sentore baje no gukora ubukwe, icyakora nyuma y’igihe gito haduka andi makuru y’uko batandukanye akaba yarahise ashaka undi mukunzi kuri ubu bivugwa ko ari nawe babyaranye.
